أنا مش سياسي

جريمة نظام مبارك الكبرى ليست مجرد الاستبداد و التخلف والفقر والجهل والمرض ... وليست مجرد تزاوج السلطة والثروة وبيع البلد ونهب البلد والاحتكار ... وليست مجرد نية التوريث ... احنا عانينا استبداد ناصر لكن صبرنا عشان التحرر من الاستعمار والاقطاع ومن أجل تحرير فلسطين ومساعدة الشعوب المستعمرة ... صبرنا من أجل العدالة الاجتماعية ... وكان أي واحد من الشعب عنده أمل انه يعدي من الفقر لو اتعلم واحد من عياله حتى لو دبلوم تجارة ... وعانينا من استبداد السادات لكن صبرنا عشان نحرر سيناء ... وعشان نتخلص من مراكز القوى وعشان حلم التقدم والانفتاح ... وكان لسة الشعب عنده أمل يعدي من الفقر لو مش بالتعليم يبقى بالعمل مع اي مستثمر ... أما مصيبتنا الكبيرة مع هذا النظام انه قضى على أي أمل ... خرب مصر خلاص ... أخد منا كل حاجة وماسابلناش أي حاجة ... ولا حتى الأمل ... زي ماقال عبد الحليم قنديل – ده مش نظام ... ده عصابة بلطجية ... مافيش أمل في رفع حالة الطوارئ ... اللي مااكتفاش مبارك بتسليط الشرطة علينا عشان يأدبنا ... لكن سلط علينا جيوش البلطجية ومعتادي الاجرام عيني عينك ( في أي انتخابات أو مظاهرات ) ... مافيش أي

ياعقلاء مصر اتحركوا بجد ... ماينفعش تسيبوا هذا النظام المخرب الفاشل الفاجر من غير ما تتحركوا ... مش مطلوب منكم ثورة ولا عنف ... بس سموا الأشياء بأسمائها ... ماينفعش تتكلموا عن اعراض هايفة - مهما كانت كبيرة - وتسيبوا المرض الأساسي - السرطان الخطير اللي بينهش في مصر ... وانتم بتتكلموا عن المسكنات والمضادات الحيوية ... ياجماعة ده مش نظام ده عصاااااابة ... والله العظيم عصابة ... نظام بلطجي وبيستعين بالبلطجية ومعتادي الاجرام ... ياجماعة ده عصابة قررت مافيش انتخابات بعد २००५ ... ممنوع حد يقدم أوراق ترشيحه ... سواء الانتخابات طلابية أو عمالية أو نقابية أو برلمانية أو محلية ... ياشرفاء مصر سموا الأشياء بأسمائها وماتخافوش من نظام شاخ وباخ ومكروه من كل الشعب ... ياأستاذ صلاح حافظ ... فين رجال مصر الاطهار اللي اخترتهم ... أوعى تتوقف أو تخاف ... ياأخوان مسلمين ... ياقضاة مصر الشرفاء ... ياصحافة حرة ... ياحزبيين مش مدجنين ... اتحركوا بسرعة ... أوقفوا هذه العصابة ... أوقفوا هذا المخرف المجنون .

كتر خير حسني مبارك ... الشعب اللي مش طامر فيه كل تعب الرئيس وحزبه ولجنة نجله ... نازلين اضرابات ومظاهرات واعتصامات ... الكل طمعان وعايز فلوس ... وقال ايه عايز ديموقراطية عشان يعض بيها الايد اللي بتحسنله ... غير البهدلة على الصحف وفي الفضائيات ... شعب جربان وغير ناضج ... وفي اي انتخابات يختار اعداء الشعب ... وقد أسعدني قرار سيادته الجمهوري - السري - بمنع قبول اوراق ترشيح كائن من كان ... حتى لو كان عضو في الحزب الوطني ... الا الاوراق اللي تيجي عن طريق لجنة المحروس ... وعمار يامصر

دلعتنا كتير ياسيادة الرئيس حتى سولت لبعض الغوغاء المندسين أنفسهم المريضة أن يطالبوا بالاصلاح والتغيير ... واسمحلي ان اقترح على سيادتكم التغيير الذي يليق بأحفاد الفراعنة وورثة حضارة عشرة آلاف سنة ... بما أنك ياسيادة الرئيس سليل الفراعنة العظماء وتجلس على عرش سبقك عليه رمسيس وخوفو وخفرع ومنقرع ... وقد أثبتت سنوات حكمك الميمون أن لديك قدرة فائقة على القيام بكل الأدوار كل الأدوار التي عجز عنها وزراؤك - الذين يصرحون بأنهم مجرد سكرتارية لسيادتكم - اعترافا بفضلكم وعبقريتكم - حتى اقتنع الشعب أن كل شئ في هذا البلد يسير بتوجيهاتكم الرشيدة ... فانه يحق لك أن تحكمنا بما حكمنا به صناع حضارتنا العظيمة ... ومنطلقات هذا الحكم الفرعوني لايختلف عليها وطني مخلص وألخصها فيما يلي : أولا : أليس لك ملك مصر؟ وهذه الأنهار تجري من تحتك ؟ عميت أعين من لايرى ذلك ثانيا : بما أن لك ملك مصر فانه يحق لك أن تقول ماقاله فرعون ( ماأريكم الا ما أرى وماأهديكم الا سبيل الرشاد ) ثالثا : أنت رب نعمتنا ... قد أحسنت مثوانا ... فلك أن تتصرف فينا كما تشاء ... ويكفيك تواضعا أنك لم تقل ( ماعلمت لكم من اله غيري ) ولم