أنا مش سياسي

بعد الشعار العبيط ( مصر بتتقدم بينا ) جاء مسلسل الخيبة التقيلة آخر خيبة اننا أخيرا بعد ماطلع روح الخبراء قررنا نعمل محطة نووية في الضبعة أنا فاكر كويس ان الخبراء المخلصين عاملين لها دراسات ممتازة من زمان لكن العقبة الوحيد اللي أخرت المشروع ده ... فاكرين ايه ؟؟!! العقبة الوحيدة كانت في ريسنا الملهم اللي راسه وألف سيف مش ممكن أسمح بانشاء محطة نووية مش ممكن أعرض شعبي لخطر الإشعاع !!! ( كفاية عليهم خطر حزبك ) طب ليه ياريس العالم كله محطات نووية وداخل المدن كمان وبقت أأمن من المحطات اللي بتشتغل بالفحم قال الريس الرحيم بشعبه مش ممكن أسمح بتعريض شعبي لخطر الإشعاع زي ماحصل في تشيرنوبل يعني الزعيم الملهم هو اللي بيفهم والخبراء مابيفهموش !! طيب ايه اللي جد عليك ياريس ؟؟!! وخلاك تجري عالضبعة بعد 29 سنة كبيسة اللي جد ان ايران اللي بنتهمها بالتخلف والرجعية سبقتنا وافتتحت مفاعل بو شهر لتوليد الكهرباء في الوقت اللي بتعاني مصر من انقطاع الكهرباء فتحرك النظام الغبي على خطين خط يتهم الشعب المصري بالإسراف في استخدام الكهرباء ( يعني دايما احنا السبب ) ( بالضبط زي مابيتهمونا بأننا مسرفين في استخدام الخبز )

كنت عايز أبطل سياسة في رمضان ... بس أعمل إيه من استفزاز نظام مبارك الفاشل !!! في الوقت الذي يتحرك فيه النظام لتلميع جمال مبارك - كمرشح رئاسي بحملة عبيطة تدعو المتعفف بأن يتنازل ويوافق على الترشح عشان تفضل مصر تتقدم بيهم ( نحو الهاوية طبعا ) - تتم سرقة أغلى لوحة - زهرة الخشخاش - في عز الضهر ... ويكتشف فاسوخة مبارك - فاروق حسني - فجأة بأن متاحفه غير مؤمنة !!!!! آآآآآآآه يافاشلين ... هو مافيش سياسة ؟؟!! مافيش سيستم معلومات ومتابعة ؟؟!! ماتكتشفش سيادتك إلا بعد الكوارث ؟؟!! زي المسرح اللي اتحرق واكتشف سيادته انه مش مؤمن ضد الحريق !!! دي كل الوزارات كدة !!! كل حاجة اتخربت في عهدك يامبارك !!! مافيش بركة !!! العيش ... البوتاجاز ... الكهرباء ... مياه الشرب ... مياه الري ... القطن ... الرز ... القمح ... مافيش حاجة عدلة غير الحراك اللي حركه واستفزه سياسة النظام البوليسي الغبية !!! يااااااااااارب قرب البعيد وخلصنا من اللي خربوا مصر ... بحق هذا الشهر الكريم ... آآآآآآآآآآآمين .

بعد جريمة خالد سعيد البشعة وقعت جريمة أبشع مليون مرة بطلها 2 من رجال شرطة وصديق مدني قاموا باغتصاب امرأة منقبة وتم القبض على المجرم المدني الا أنه تم تهريبه من قسم الشرطة بعرفة رئيس المباحث للتستر على رجلي الشرطة وعايزينا نتحكم بعد مبارك بواحد من عياله ؟؟!! والله مايحصل . ادخل وشوف الكلاب http://www.youtube.com/watch?v=oXaVQXg3oZs

حكمت المحكمة على المراكبي - عمره 18 سنة - اللي غرق 9 فتيات بالسجن 10 سنين مع الشغل أما اللي غرق اكتر من 1300 في العبارة النائب العام اداله فرصة يمرح 40 يوم ولما سافر اصدر قرار بمنعه من السفر ووصف الجريمة البشعة بأنها جنحة واتحكم عليه بالسجن 3 سنين البلد بلدهم واحنا نستاهل اللي بيحصلنا عشان سايبينهم خاطفينها بالتزوير !!!

تم اعتقال 15 من شباب الإسكندرية خلال تعليقهم ملصقات تدعو الجماهير للانضمام لحملة التوقيعات. لما تعليق ملصقات لحملة التوقيعات جريمة طب ليه ماتقبضوش - ياظلمة يافجرة - على اللي بيعلقوا ملصقات لحملة توقيعات التوريث المفبركة المزورة ؟؟؟!!! لازم نكنس مصر من كل الزبالة

إذا استحق الشاب المسئول عن غرف مركب المعادى والمتسبب فى قتل 9 فتيات السجن عشر سنوات مع الشغل، فكم يا ترى يستحق صاحب عبّارة «السلام» التى قتل فيها أكثر من ألف شخص؟ سؤال بريء أتوجه به للقضاء المصري الحر النزيه ...

اللي من غير تحقيقها حانفضل عايشين في الغم والفساد والفقر والتخلف والتزوير والبلطجة والألزههايمر السياسي https://www.tawkatonline.com/Statement.aspx

نظام مبارك مرعوووووب من حملة التوقيعات على مطالب الاصلاح مش هما حزب الأغلبية ؟؟!! مش فازوا بكل مقاعد الشورى ؟؟!! يعني الشعب بيحبهم !! وبيكره المعارضة !! طب ليه خايفين ومرعوبين من حبة شباب ؟؟!! ليه بتواجهوا تحركهم القانوني بهذا الغباء الأمني ؟؟!! ليه عملتم حملة لتأييد لجمال مبارك اللي اتفصل الدستور على قده ؟؟!! واللي الحملة ماتعرضتش لجنابه كل اللي عايزاه الحملة منافسة شريفة عادلة والنظام عمره ماعرف الشرف ولا النزاهة ولا العدل خصوصا في النتخابات ليه بتعتقلوا الشباب اللي بيجمع التوقيعات ؟؟!! طب واجهوهم بالقانون والدستور !! لو كانت الحملة جريمة طب ليه سايبين حملة تأييد مبارك - المتفبركة - تملأ مصر بالملصقات ؟؟؟؟!!!!