أنا مش سياسي

الانتخابات بقت في عهد مبارك أشبه بمباراة كرة قدم ... فريق -الحزن- الوطني مش 11 لعيب 00 ده رجال الأمن والنظام والحكم وحاملي الراية والمراقبين كلهم بيلعبوا مع الفريق 000 أما فريق المعارضة 5 لعيبة بس والباقي معتقلين وحارس المرمى متكتف 00 ورغم كل ده فريق الوطنى مسموحله يعمل فاولات زي ماهو عاوز 000 مسموحله يستخدم أي سلاح لمنع المعارضة من تسجيل أي هدف ... وحتى لو سجلوا هدف يلغيه الحكم أو يحسبه لصالح الوطني - ماهو سيد قراره ... والمدرجات مليانة بالمتفرجين اللي بيغلوا من كم الظلم اللي شايفينه ورغم ذلك صامتين خايفين ... والمعلق الرياضي مخبر صحفي - برتبة مخبر أمن دولة ... بيذيع ماتش تاني غير اللي شايفينه عشان يرضي فريق الوطني ... ورغم كل ده الحزب الوطني خاسر خاسر خاسر ।

أيوالله ... قرأت من أكتر من خمسة عشر عاما كتاب (نصر بلا حرب) لنيكسون ترجمة الفريق أبو غزالة الذي حذر فيه من خطورة نيكسون وقيمته كواضع استراتيجية ... يقول نيكسون في الكتاب ( انه ينبغي ان تقتنع الانظمة العربية الصديقة المعتدلة انها تقف في خندق واحد مع اسرائيل ضد الأصولية الاسلامية ) ... هذه الكلمات البسيطة يقرر فيها الآتي := أولا : الحرب القادمة ليست بين العرب واسرائيل ولكن بين تحالف-الخير- المتمثل في الانظمة العربية المعتدلة أو المعدلة أمريكيا مع اسرائيل ضد الأصولية الاسلامية - التى سميت في عهد اليمين المتطرف بزعامة بوش بالارهاب - بعد تمثيلية حداشر سبتمبر ثانيا : ان الذي سيميز المعتدل من المتطرف ليس الأزهر وليس العلماء ولكن فضيلة الامام الأعظم رئيس أمريكا ثالثا : سيتم اقناع من لم يقتنع بتوليع بلده ونسبة ذلك للاسلاميين ... وبطريقة بوش المجنونة ( من ليس معنا فهو ضدنا ) رابعا : اسرائيل حليف استراتيجي للحكام الاصدقاء - مش عملاء لا سمح الله خامسا : لازم الحكام الأصدقاء يضربوا بيد من حديد كل من تسول له نفسه معاداة ماما أمريكا أو أولاد عمومتنا في اسرائيل ... وتبقى المقاومة ارهاب ... والعمليات

الرعب هو أهم مايوصف به الحرامي ... وسارق الكرسي مرعوب من الفضائيات اللي فتحت عيون الشعوب ... (يحسبون كل صيحة عليهم ) ... وفشلوا في شغل الناس عن الفضائيات ... عملولهم قنوات اباحية ... عملولهم برامج حوارية بس بطريقة امن الدولة - حاور نفسك - كل ده ما أقنعش الناس وازداد اقبالهم على القنوات الصادقة المتفوقة فنيا وحرفيا ॥ حتى أمريكا فشلت وقناة الحرة صفر عالشمال بالنسبة للمشاهد العربي ... وكل اللي اشتكى من الفقرات الهابطة والقنوات الاباحية يخرج عليه رجال الشرطة - اقصد السلطة بفلسفة ظريفة - فيه اختراع اسمه الريموت واقلب اللي مش عاجبك ... اشمعنى دلوقت عايزين تبلطجوا بالقوة على القنوات التى نجحت في جذب المشاهد العربي ... هو فيه في الدنيا لسة وزارات اعدام - اقصد اعلام - ... هو فيه اصلا تضامن عربي غير في المسخرة ووزراء الداخلية والاعلام ... ماشفناكمش متوحدين ولا منسقسن ولا عمركم حليتولنا مشكلة ... فين السوق المشتركة ؟! والا مش عايزين في منطقتنا الا سوق الحمير الكبير ... اطمنوا القنوات الحرة حاتسيبلكم العربسات والنيل سات وحاتروح عالهوت بيرد او القمر الاوروبي او حتى يعملوا قمر جديد ومش حاتلاقوا حد ي

ديموقراطية توت عنخ مبروك قرر فرعون فجأة أن يكون ديموقراطيا 00 ماأريكم إلا ماأرى وما أهديكم الا سبيل الرشادبقت موضة قديمة 00 -والدنيا اطورت 00 وبقى فيه انتخابات 00 ومجالس نيابية تراقب الحكومة 00 وصحافة واعلام وفضائيات ...لكن الحرس القديم تردد لأنه كدة حايلعب بالبيضة والحجرة وممكن تيجي على دماغه وتقلب بجد 00 والناس - مفتحة عينيها وممكن تصدق 00 وتسرقهم السكينة 00– ففكر شباب السياسات 00 ووصل إلى فكرة جهنمية فرعونية 00 الصحافة مافيش مانع 00 يقولوا اللي يقولوه 00 واحنا نعمل اللي احنا عايزينه 00 واللي يزودها نسلط عليه فرعون صغير من اللي احنا مربينهم في الصحافة الفرعونية القومية يبهدل اللي جايبينة 00 وإذا ماتلمش نخطفه ونلسوعه ونقلعه ونرميه في الصحراء عشان يكون عبرة لأمثاله 00أو نلفقله قضية 00أوفضيحة 00 المهم الناس بتقرأ وتنسى 00 ده إذا قرأوا 00 لكن لسة فيه مشكلتين 00 المظاهرات والإنتخابات المظاهرات نجفف منابعها ونسد كل الطرق اللي توصل لمكانها 00 واللي يوصل عندنا أمن مركزي فرعوني00 بالشومة والغازات وخراطيم المية 00 ولا بأس بالاستعانة بالبلطجية يبهدلوا الأفندية ويشلحوا البنات اللي عايزين إصلاح و

مصر بتتقدم بينا ---------------- هذا الشعار الذي رفعه الحزب الوطنى في مؤتمره العام حرك مواجع الشعب المصري المطحون الذي لا يرى تقدما الا في عملية بيعه والتخلى عنه 00 00 لكن العيب في الشعب اللي مش حاسس بالتنمية 00 الشعب لا يرى الا تنمية الفساد والبطالة والفقر والجهل والمرض 00 الشعب لايرى الا تجاوزات الشرطة اللي بتعمل كل ده عشان تخدم الشعب اللي مش طامر ... شعب جاحد ناكر الجميل مش بيشوف غير السلبيات بعد ماحرضته الفضائيات العميلة ... 00 فالشعب غير ناضج ديموقراطيا ( كلام نظيف ماجاوبش عليه ) 00 وفي رواية مرفوعة لرأس النظام ( ان الديموقراطية لن تأتي الا بالاخوان ) 00 لذلك سيكون عنوان المرحلة المقبلة - طالما ان مصر بتتقدم بينا وحدنا - (ممنوع حد يرشح نفسه قدامنا 00 لا في انتخابات اتحادات الطلاب ...ولا اتحادات عمالية... ولا مجلس شورى ... ولا محليات ولا نقابات ولا غيره بعد اللي شفناه في انتخابات مجلس الشعب 00 مصر بتتقدم بينا احنا وبس ) ... أصلا شعار أي حزب هو تعبير عن أيدولوجيته ومبادئه وأولوياته في الاصلاح 00 فمثلا الاخوان رفعوا شعار ( الاسلام هو الحل ) 00 يعني بالبلدي بيقولوا ( حانحل مشاكل مصر م

زهقتونا 000 زهقتونا 000 زهقتونا000 زهقتونا 000 زهقتونا 000زهقتونا 000لو الواحد بياكل أحلى أكلة كل يوم يزهق 000ولو الواحد بيسمع أحلى غنوة كل يوم يزهق 000ولو الواحد بيشوف أحلى فيلم كل يوم يزهق 00فما بالك والأكلة حمضانة 000 والغنوة نشاز 000 والفيلم بايخ 00خلاص الناس طهقت خالص 000والحزب شاخ وحكمه باخ000 والجمود والرتابة حاجة تفرس 00 حزب بيتشائم من التجديد 000 والشعب مش حايصبر أكتر من كده 000مافيش تجديد غير بالمصايب اللي نازلة ترف على دماغه 000الشعب يطلب اصلاح ديموقراطي 000 حرية 000 فيعاقبه - بتعديلات - دستورية ماتخطرش على بال ابليس 000العيب مش عليه 00 العيب على ترزية القوانين 00 وإسكافية الدساتير 00 اللي بيحولوا احلام فرعون إلى نصوص حتكون مسخرة الأجيال القادمة اللي حايستعجبوا على صبرنا 00 وحلمنا 00وبرودنا 00لو كنت من اللي حوالين مبارك كنت قلتله من زمان كفاية عشان مايزهقوش منك ومن عيالك 00الشعب مش حايثور عليك لكن حيرميكك من قلبه 00 واللي يترمى من قلب الشعب مش ممكن يعيش 000لو كنت من قيادات حزبك – لو كان فيه حزب أصلا – كنت قلتلك كفاية 00انت حاتكره الشعب فينا 000ماشافتش بلير عمل إيه بعد ماحكم