زهقتونا
زهقتونا 000 زهقتونا 000 زهقتونا000
زهقتونا 000 زهقتونا 000زهقتونا 000لو الواحد بياكل أحلى أكلة كل يوم يزهق 000ولو الواحد بيسمع أحلى غنوة كل يوم يزهق 000ولو الواحد بيشوف أحلى فيلم كل يوم يزهق 00فما بالك والأكلة حمضانة 000 والغنوة نشاز 000 والفيلم بايخ 00خلاص الناس طهقت خالص 000والحزب شاخ وحكمه باخ000 والجمود والرتابة حاجة تفرس 00 حزب بيتشائم من التجديد 000 والشعب مش حايصبر أكتر من كده 000مافيش تجديد غير بالمصايب اللي نازلة ترف على دماغه 000الشعب يطلب اصلاح ديموقراطي 000 حرية 000 فيعاقبه - بتعديلات - دستورية ماتخطرش على بال ابليس 000العيب مش عليه 00 العيب على ترزية القوانين 00 وإسكافية الدساتير 00 اللي بيحولوا احلام فرعون إلى نصوص حتكون مسخرة الأجيال القادمة اللي حايستعجبوا على صبرنا 00 وحلمنا 00وبرودنا 00لو كنت من اللي حوالين مبارك كنت قلتله من زمان كفاية عشان مايزهقوش منك ومن عيالك 00الشعب مش حايثور عليك لكن حيرميكك من قلبه 00 واللي يترمى من قلب الشعب مش ممكن يعيش 000لو كنت من قيادات حزبك – لو كان فيه حزب أصلا – كنت قلتلك كفاية 00انت حاتكره الشعب فينا 000ماشافتش بلير عمل إيه بعد ماحكم انجلترا دورتين بدون تزوير 00 استقال من حزب العمال 00هو أحسن من تشرشل أو ديجول 000أو هيلموت كول 000 دورتين ومع السلامة عشان الناس مايزهقوش 00وعشان ييجي دم جديد 000و حتى بوتن ماسمعش نصيحتك - أنا مكسوف لريسنا حد ينصح رئيس دولة ديموقراطية يعدل الدستور عشان يبقى في الحكم ؟! الكلام ده ينفع مع اصحابك العرب ... حتى الكينيين انتفضوا لما اتزورت الانتخابات ... ماتغترش ان شعبك حليم ... الناس اللي حواليك نفس الوشوش اللي تقطع الخميرة من البيت 000 زهق مربع للجدعان 00ثقافة مصر في إيد واحد صرح للصحافة إنه ماجوزش مش عشان مابيحبش النسوان 000 لكن عشان بيحبهم كلهم ومش عايز يحصر نفسه في واحدة 000 وزير كان عايز يعمل مشروع استثماري حوالين الأهرامات 000 جنن نعمات أحمد فؤاد 000مالوش في الثقافة 000 لكن لازم الشعب يشرب الشربة بتاعة الريس 000ووزير زراعة سرطن الزرع 000 سرطن الضرع 000 سرطن الأرض 0000 سرطن مصر 000حتى دخلنا موسوعة جينز في انتشار الأمراض السرطانية 000مش حانتكلم عن تطبيع وزارة الزراعة في عهده مع اليهود 000مش وقته 00رموز حزبه مايعرفوش سياسة 00 مايفهموش سياسة 00 مابيتكلموش سياسة 000 إلا إذا كان الغباء سياسة 000 فيه وزير خارجية يقول على شعبه انه غير ناضج ديموقراطيا ؟! فيه وزير خارجية يقول الفلسطيني اللي حايعدي الحدود حاقطع رجله؟! فيه وزير يقول للمعتصمين ( الحكومة مايتلواش دراعها ) وبعد يومين يرضخ لطلباتهم غصب عنه - مابيقرأوش الأحداث ومش مستوعبين اللي بيحصل في العالم ... مش ممكن نظام يستمر ولا يستقر بالشكل ده ... الفكرالقديم والجديد كله واحد 000 من نفس الماجور 000 الناس مابيرحموش اللي استهيفهم واستقل بيهم ... شوف اللي حصل لناصر والسادات بعد موتهم رغم انجازاتهم ... فمابالك والناس ماشافوش خير على ايديك ... طيب أنا لو بجهز وريث لازم ألمعه عشان يحس الشعب إن الخير حاييجي على إيديه 000 مش أخليه نسخة كربون للإستبداد 000 لجنة سياسات متفصلة على سيادته 000 عالمقاس 000بدون انتخابات ولا ديموقراطية 000 هو اللي بيختار رجالتها 000 000لجنة ملاكي 000المهم يرجع مرجوعنا للنظام الجاثم على قلوبنا 000أكتر نظام في التاريخ قال كلام ورجع فيه 000 ياللا نعد 000مش حاوقع على اتفاقية منع انتشار الأسلحة النووية إلا لما إسرائيل توقع 000 طب سيب وانا أسيب ياحنفي 000خلاص حاوقع بس آخر مرة 000صادق فعلا وماوقعش 00 ده بصم بالعشرة 000 بص شوف حايعمل إيه 000مش ممكن أسمح يتعمل في مصر مفاعلات نووية 000 مش ممكن أسمح بتشيرنوبل جديد في مصر 000 هو انت الخبير النووي الوحيد في مصر ؟! دلوقت بيقول في هوجة إيران لازم نعمل مفاعلات نووية 000 ونستفيد من الطاقة سلميا 000 طيب ده كلام نهائي ياحنفي ؟ ؟ مافيش أي خطوات عملية حسينا بيها حتى الآن 000يمكن سايبها كادوه لجيمي 000والتالته قال مافيش مساس بالدستور 000 ومس الدستور 000 وممكن نسميه الدستور الممسوس 000 أي والله اصيب الشعب المصري بالمس الدستوري وعايز زار 000طب ياجماعة مانعمله زار يمكن يطلع 000 والا يغور 000وعدنا بمشاريع ووظايف في برنامجه الانتخابي 000 فاستكملوا بيع البلد 000 وزادت البطالة 000 وانطرد الشغالين 000كان السادات بعد الاستفتاءات يقول كلمته المشهورة 00 ( أنا مع الذين قالوا تعم والذين قالوا لا ) 00لكن صاحبنا بيضرب بالجزمة اللي يستجري يهوب من اللجان الانتخابية 000 لأن كل الشعب مش مضمون 000 ومتهم يقول لا 00ويقولوا الشعب سلبي 000ومش ناضج ديموقراطيا 000 طب ماتلغي الانتخابات 000 ونوفر فلوسنا 000والبركة فيكم وفي رجالتكم 000أنتم أدرى بمصلحتنا 000داحنا خطر على أمن مصر 000وعايزين مصل 000 ماينفعش فينا غير الفقر والأزمات 000 هي الحل عشان مانحرنش 000 والأزمات طبعا إحنا السبب فيها عشان بنخلف كتير 000 تاعبينك معانا ياحزن وطني 000 حاتتعب معانا 000 ماتسيبنا وترتاح 000شوفلك شعب تاني احسن منا 000شعب ناضج مش رمية 000دانتا تعبان معانا تعب 000واحنا وحشين وحاشة 000مضيعين فلوسك على أمن دولة 00 وأمن مركزي 00 وأمن رئاسة 00 وأمن عام 000 وأمن ماعامش 000لو بنسمع الكلام وطيبين ومريحينك كنا وفرنا الفلوس 000اصبر علينا 000 بكرة نرحل ... كتر خيرك صبرت علينا كتير الدنيا اتغيرت ... فات الكتير مابقاش الا القليل ... لازم تسيبنا أو نسيبك ... ومش حايبقالك غير الذكرى الحلوة ... والصراحة ماشفناش معاك غير المر ... وكان نفسنا تختم حياتك باصلاحات ديموقراطية ... وكنا بندعيلك تصلحها قبل ماترحل ... لكن مستشاري السوء وترزية القوانين والدساتير دمروا أحلامنا وحولوها لكابوس ... الناس صبروا معاك وعليك كتير ... وكان نفسهم يشوفوا منك حاجة حلوة تختم بيها حياتك ... لكن لا الحرس القديم ولا الجديد بيحبوك ولا بيحبوا عيالك لو عملت استطلاع رأي حر - ماتشرفش عليه الداخلية - حاتلاقي الناس مش بيحبوك ... زهقوا منك عالآخر .
زهقتونا 000 زهقتونا 000زهقتونا 000لو الواحد بياكل أحلى أكلة كل يوم يزهق 000ولو الواحد بيسمع أحلى غنوة كل يوم يزهق 000ولو الواحد بيشوف أحلى فيلم كل يوم يزهق 00فما بالك والأكلة حمضانة 000 والغنوة نشاز 000 والفيلم بايخ 00خلاص الناس طهقت خالص 000والحزب شاخ وحكمه باخ000 والجمود والرتابة حاجة تفرس 00 حزب بيتشائم من التجديد 000 والشعب مش حايصبر أكتر من كده 000مافيش تجديد غير بالمصايب اللي نازلة ترف على دماغه 000الشعب يطلب اصلاح ديموقراطي 000 حرية 000 فيعاقبه - بتعديلات - دستورية ماتخطرش على بال ابليس 000العيب مش عليه 00 العيب على ترزية القوانين 00 وإسكافية الدساتير 00 اللي بيحولوا احلام فرعون إلى نصوص حتكون مسخرة الأجيال القادمة اللي حايستعجبوا على صبرنا 00 وحلمنا 00وبرودنا 00لو كنت من اللي حوالين مبارك كنت قلتله من زمان كفاية عشان مايزهقوش منك ومن عيالك 00الشعب مش حايثور عليك لكن حيرميكك من قلبه 00 واللي يترمى من قلب الشعب مش ممكن يعيش 000لو كنت من قيادات حزبك – لو كان فيه حزب أصلا – كنت قلتلك كفاية 00انت حاتكره الشعب فينا 000ماشافتش بلير عمل إيه بعد ماحكم انجلترا دورتين بدون تزوير 00 استقال من حزب العمال 00هو أحسن من تشرشل أو ديجول 000أو هيلموت كول 000 دورتين ومع السلامة عشان الناس مايزهقوش 00وعشان ييجي دم جديد 000و حتى بوتن ماسمعش نصيحتك - أنا مكسوف لريسنا حد ينصح رئيس دولة ديموقراطية يعدل الدستور عشان يبقى في الحكم ؟! الكلام ده ينفع مع اصحابك العرب ... حتى الكينيين انتفضوا لما اتزورت الانتخابات ... ماتغترش ان شعبك حليم ... الناس اللي حواليك نفس الوشوش اللي تقطع الخميرة من البيت 000 زهق مربع للجدعان 00ثقافة مصر في إيد واحد صرح للصحافة إنه ماجوزش مش عشان مابيحبش النسوان 000 لكن عشان بيحبهم كلهم ومش عايز يحصر نفسه في واحدة 000 وزير كان عايز يعمل مشروع استثماري حوالين الأهرامات 000 جنن نعمات أحمد فؤاد 000مالوش في الثقافة 000 لكن لازم الشعب يشرب الشربة بتاعة الريس 000ووزير زراعة سرطن الزرع 000 سرطن الضرع 000 سرطن الأرض 0000 سرطن مصر 000حتى دخلنا موسوعة جينز في انتشار الأمراض السرطانية 000مش حانتكلم عن تطبيع وزارة الزراعة في عهده مع اليهود 000مش وقته 00رموز حزبه مايعرفوش سياسة 00 مايفهموش سياسة 00 مابيتكلموش سياسة 000 إلا إذا كان الغباء سياسة 000 فيه وزير خارجية يقول على شعبه انه غير ناضج ديموقراطيا ؟! فيه وزير خارجية يقول الفلسطيني اللي حايعدي الحدود حاقطع رجله؟! فيه وزير يقول للمعتصمين ( الحكومة مايتلواش دراعها ) وبعد يومين يرضخ لطلباتهم غصب عنه - مابيقرأوش الأحداث ومش مستوعبين اللي بيحصل في العالم ... مش ممكن نظام يستمر ولا يستقر بالشكل ده ... الفكرالقديم والجديد كله واحد 000 من نفس الماجور 000 الناس مابيرحموش اللي استهيفهم واستقل بيهم ... شوف اللي حصل لناصر والسادات بعد موتهم رغم انجازاتهم ... فمابالك والناس ماشافوش خير على ايديك ... طيب أنا لو بجهز وريث لازم ألمعه عشان يحس الشعب إن الخير حاييجي على إيديه 000 مش أخليه نسخة كربون للإستبداد 000 لجنة سياسات متفصلة على سيادته 000 عالمقاس 000بدون انتخابات ولا ديموقراطية 000 هو اللي بيختار رجالتها 000 000لجنة ملاكي 000المهم يرجع مرجوعنا للنظام الجاثم على قلوبنا 000أكتر نظام في التاريخ قال كلام ورجع فيه 000 ياللا نعد 000مش حاوقع على اتفاقية منع انتشار الأسلحة النووية إلا لما إسرائيل توقع 000 طب سيب وانا أسيب ياحنفي 000خلاص حاوقع بس آخر مرة 000صادق فعلا وماوقعش 00 ده بصم بالعشرة 000 بص شوف حايعمل إيه 000مش ممكن أسمح يتعمل في مصر مفاعلات نووية 000 مش ممكن أسمح بتشيرنوبل جديد في مصر 000 هو انت الخبير النووي الوحيد في مصر ؟! دلوقت بيقول في هوجة إيران لازم نعمل مفاعلات نووية 000 ونستفيد من الطاقة سلميا 000 طيب ده كلام نهائي ياحنفي ؟ ؟ مافيش أي خطوات عملية حسينا بيها حتى الآن 000يمكن سايبها كادوه لجيمي 000والتالته قال مافيش مساس بالدستور 000 ومس الدستور 000 وممكن نسميه الدستور الممسوس 000 أي والله اصيب الشعب المصري بالمس الدستوري وعايز زار 000طب ياجماعة مانعمله زار يمكن يطلع 000 والا يغور 000وعدنا بمشاريع ووظايف في برنامجه الانتخابي 000 فاستكملوا بيع البلد 000 وزادت البطالة 000 وانطرد الشغالين 000كان السادات بعد الاستفتاءات يقول كلمته المشهورة 00 ( أنا مع الذين قالوا تعم والذين قالوا لا ) 00لكن صاحبنا بيضرب بالجزمة اللي يستجري يهوب من اللجان الانتخابية 000 لأن كل الشعب مش مضمون 000 ومتهم يقول لا 00ويقولوا الشعب سلبي 000ومش ناضج ديموقراطيا 000 طب ماتلغي الانتخابات 000 ونوفر فلوسنا 000والبركة فيكم وفي رجالتكم 000أنتم أدرى بمصلحتنا 000داحنا خطر على أمن مصر 000وعايزين مصل 000 ماينفعش فينا غير الفقر والأزمات 000 هي الحل عشان مانحرنش 000 والأزمات طبعا إحنا السبب فيها عشان بنخلف كتير 000 تاعبينك معانا ياحزن وطني 000 حاتتعب معانا 000 ماتسيبنا وترتاح 000شوفلك شعب تاني احسن منا 000شعب ناضج مش رمية 000دانتا تعبان معانا تعب 000واحنا وحشين وحاشة 000مضيعين فلوسك على أمن دولة 00 وأمن مركزي 00 وأمن رئاسة 00 وأمن عام 000 وأمن ماعامش 000لو بنسمع الكلام وطيبين ومريحينك كنا وفرنا الفلوس 000اصبر علينا 000 بكرة نرحل ... كتر خيرك صبرت علينا كتير الدنيا اتغيرت ... فات الكتير مابقاش الا القليل ... لازم تسيبنا أو نسيبك ... ومش حايبقالك غير الذكرى الحلوة ... والصراحة ماشفناش معاك غير المر ... وكان نفسنا تختم حياتك باصلاحات ديموقراطية ... وكنا بندعيلك تصلحها قبل ماترحل ... لكن مستشاري السوء وترزية القوانين والدساتير دمروا أحلامنا وحولوها لكابوس ... الناس صبروا معاك وعليك كتير ... وكان نفسهم يشوفوا منك حاجة حلوة تختم بيها حياتك ... لكن لا الحرس القديم ولا الجديد بيحبوك ولا بيحبوا عيالك لو عملت استطلاع رأي حر - ماتشرفش عليه الداخلية - حاتلاقي الناس مش بيحبوك ... زهقوا منك عالآخر .
تعليقات