أنا مش سياسي

لغاية دلوقت متسترين على حرامي المرسيدس ... أكيد واحد تقيل ومسنود ... لو كان المرتشي مدير كان حاكمه الوزير ... ولو كان وزير كان حاكمه رئيس الوزراء ... ولو كان رئيس وزراء كان حاكمه الرئيس ... يبقى ميييييييييييييييين ؟؟؟!!! ياجماعة فيه بديهية قانونية ... المتستر على المجرم مجرم زيه ... واللي عارف وساكت مجرم ... واللي يقدر يتحرك ويعرف ومش عايز لا يتحرك ولا يعرف يبقى مجرم ...

مازالت العقلية الأمنية الغبية هي الصوت الأعلى في هذا النظام المرعوب والمنتهية فترة صلاحيته اصرار عجيب وغبي على قمع المظاهرات السلمية و" الوقفات السلالمية " خد مثلا - حركة ستة أبريل - حركة بسيطة متواضعة سلمية بيقوم بيها حبة شباب دون العشرين بيعملوا مظاهرة سلمية او وقفة سلالمية يوم واحد في السنة وبقية السنة بيدردشوا عالنت مش عارف النظام الخايب ده خايف منهم ليه ؟؟!! الصراحة الشباب لازم يشكروا أمن الدولة اللى لمعوهم وحبشوا مظاهراتهم بخراطيم المياه والشوم وتشليح البنات والتحرش القذر الشباب لازم يشكروا نواب الحزن الوطني اللي بيطالبوا بضربهم بالرصاص الحي أمن الدولة الخايب وحرامية الكراسي خلوا كل شعب مصر يتعاطف مع شباب ستة أبريل خلوا شباب ستة أبريل نجم لامع وحديث الفضائيات الغباء الأمني خلى الشباب يعاند ويصر على التظاهر شكرا أمن الدولة شكرا نواب التزوير زودتم رصيد شباب أبريل وكرهتم الناس في نظام مبارك اللي شاخ وباخ واصبح مرعوب من أي نسمة حراك

دي الرسالة اللي وصلها نواب الحزب - الغير وطنيين - - اللي جولنا بالتزوير - الى كل شعب مصر مفادها " اللي يعارضنا ويحتج على أسياده ديته رصاصة بخمسة ابيض " فووووووووووق بقى ياشعب

كتبهامحمد صبحي ، في 2 أغسطس 2007 الساعة: 21:20 م المنحوس 00 حول أحلام الناس لكابوس 00 باع كل حاجة للغريب لطش الفلوس كسر الفانوس 00 والضلمة عمت عالنجوع 00 علشان نجوع 00 في الضلمة كان قاعد يبيع 00 باع المزارع والمصانع والبنوك 00 باع حتى نور العين والعافية والستر اللي كان ملفوف علينا 000 قال إيه ماحدش غيري واخد منها حاجة 000 غير الوريث 00 اللي حايورث شعب متحطم ومتكتف ومتسرطن وساكت 00 ليه لسة ساكت ؟؟! فاضلك ايه يتخاف عليه 00 غير العيال والعرض والشرف اللي معروض في المزاد 00 كله حايتباع للغريب 00 دا بكرة حايبيع الحريم 00 طول ماحنا ساكتين عاللئيم 000 ياشعب إصحى وانتفض شوف انت مين 000 قوم يامصري مصر دايما بتناديك 00 إحمي عرضك وانتصر عاللي يعاديك 000

كان حايحصل إيه؟؟!! لو كان مرسي الزناتي هو اللي بيحكمنا؟؟!! من 30 سنة هل تعتقد انها كانت حاتفرق ؟؟!! دي قصيدة خيالية مهداة لمرسي الزناتي زعيم المشاغبين من زميله المشاغب التائب " أباصيري " --- يوم الحساب قرب 00 ولسة في العسل نايم يامرسي 00 كلك ذنوب 00 لازم تتوب00 والمولى مش غافل ولا بينسى يامرسي 00 خنت العهود 00 زي اليهود 00 خليتنا لعبة في إيد كلاب الأرض والأندال يامرسي00 جبت الفساد 00 هنت العباد 00 ونهبت ثروتنا وبعت الباقي للأندال يامرسي 00 حكمك ده طارئ 00 كلك طوارئ 00 والشعب داق المر والتزوير على ادينك يامرسي 00 سرطنت مصر 00 غرقت مصر 00 حولت مصر لغابة مش دولة يامرسي 00

درس خصوصي للفرعون الصغيرتوت عنخ مبروك بابا يابابا ياما نفسي في دروس خصوصية اقتصادات وعلوم سياسية عايز اكون زي حسن نافعة مش زي بتوع السياسات بس ياخايب مش عاجبك تدريسي يا000؟ لأه يابابا بس انت ماعدنكش اجابة عن كل اللي محير فكري ايه هو المجتمع المدني ايه لازمة دية النقابات ليه احنا بنحب نزور ونحب كمان الانتخابات ليه الناس عايزة الحرية ليه بيطالبوا بالاصلاح ايه هو الاصلاح اصلا ليه الناس عملوا اعتصامات؟ والعمال عاملين اضراب ليه بيقولوا كفاية يابابا ليه الناس رافضة التوريث؟ دسترناهم وماهوش عاجب لخبطنا كل القوانين دسنا على المحكمة والقاضي وولاد الرفضي صامدين شوف يابني يازين العرسان اسئلتك مالهومش اجابة غير حاجة واحدة تلاقيها عند الداخلية الشعب عايز ضرب الجزمة ولاتشغل نفسك بسياسة ولاتشغل بالك بالشعب اضرب اسجن عذب اسحل راح تنجح وتسوق الشعب

مذكرات توت عنخ مبروك كتبهامحمد صبحي ، في 30 يوليو 2007 الساعة: 22:22 م هذه ترجمة حرفية للنقوش الفرعونية المنقوشة على جدار مقبرة توت عنخ مبروك والتي تنتمي الى الاسرة الثالثة التي حكمت مصر وزهقت شعبها وطلعت روحه على مدى ستة وعشرين قرنا بابا يابابا انا زهقان انا حاسس اني مسجون في القصر انا حاسس اني مش عايش في بلدي مصر مش دي بلدي؟ ودولهم شعبي ؟ خليني اخرج واتفرج على بلدي عيني عينك مش في التلفزيون خليني امشي في شوارع بلدي وأسلم على كل الناس اللي بتهتف بالروح بالدم واشكرهم عالانتخابات لأ دانتا عبيط 00 صدقت الكدبة البيضة بتاعة ابوك ؟ دالشعب لئيم عمره مابيهوب مالصندوق عمره ماقال ايوة ياجيمي اللي بيقول بالروح بالدم دول عصابتنا اللي بيلبسوا جلد الشعب وبيتكلموا بلسان الشعب حتى دولك مالهومش امان هما كمان لونمشي ورا عواطفنا يستفردوا بينا وسجن القصر ده ضريبة بيدفعها اجدع فرعون الكرسي ياعبيط مش بالسهل الكرسي بيوجع بس انا مش قادر اقول الآه لو قلتها راح يحسبوا اني ضعيف لازم تصبر على هم الكرسي الكرسي ده ياما فيه خوازيق لازم تصبر وكفاية عليك تكون الفرعون شوف ياحبيبي انا راح اسليك روح مع اونكل تختاروا من

بابا يابابا 00 انا عايزك تلغي الدستور 00 داحنا شراقوة 00 مالنا بالغرب 00 الفرعون عمره ماكان عنده دستور 00 وده تراثنا 00 ودي حضارتنا 00 مليون سنة من غير دستور 00 نيجي في الاخر نتخلى عن حضارتنا ؟؟ 00 من فضلك الغي الدستور 00 انا خايف من ده الدستور ومن الضمانات 000 أنا خايف من عواجيز الحزب 00 أنا خايف من كل الشعب 000 اللي مصدق انه ممكن يتخلص مني بالدستور 000 اصل الشعب مالوهش امان 000 لو تقدر بدلي الشعب 000 الشعب بدا يفتح وبيفهم 000 والشبان خلوه يتحرك 000 انا عايز شعب مابيشوفش مابيسمعش ما بيفهمش 000 ولا ينطق الا بالروح بالدم 000 جتهم غم 00 واجعين راسنا وتاعبينا في تعديل دستورنا 000 حكم زمان كان عال العال 000 فرعون وهامان هما الدستور 000 بس ياخايب 000 عندنا ترزية قوانين 00 عندنا فرقة اغتيلات 00 راح تغتال نصوص الدستور اللي راعباك 000 والشعب موافق بالجزمة على التعديل 00 بكرة يكون عندك دستور من غير ضمانات 00

نظام مبارك مش ديكتاتوري ... ------------ لأن الديكتاتور ماعندوش انتخابات وبالتالي ماعندوش تزوير والديكتاتور عنده مشروع وطني مقنع لشعبه يتبناه ويموت في سبيله شوفوا هتلر وشوفوا ماو وشوفوا ستالين ولينين الديكتاتور صادق مع نفسه وشعبه يسمي الأمور بإسمها انا ديكتاتور أنا فرعون ديكتاتورية البروليتاريا ----------------- ومش ديموقراطي ----------- النظام الديموقراطي احنا عارفينه حرية وتعددية وانتخابات حرة وتداول سلمي للسلطة ---------------- أمال نظام مبارك يطلع إيه ؟!! تعددية ديكورية مصنوعة على قده وانتخابات تجاوزت التزوير ووصلت إلى مرحلة المصادرة واللي يصدق ان فيه انتخابات ويروح يصوت لازم "يصوت" أمن مركزي يحاصر اللجان وبلطجية - معتادي إجرام ومسجلين خطر ومسجلات آداب ينفذون توجيهات أمن الدولة ومافيش لا تداول سلمي ولا غير سلمي نظام بلا مشروع ولا رؤية ولا انجازات غير الفقر والجهل والمرض والتخلف وتغلغل الفساد في كل أجهزة الدولة حتى وصل إلى أخطر مكانين كما قال يحي الجمل " الجامعة والقضاء " وبقينا بنغير من قطر والجزائر أصدق وصف لهذا النظام هو أنه لا ديكتاتوري ولا ديموقراطي " د