أنا مش سياسي

أنا مش مصدق اللي عملته وزيرة القوى العاطلة – بيسموها القوى العاملة مش عارف ليه – أكيد كانت مشغولة بكيفية تنفيذ وعود مبارك للشباب في برنامجه الانتخابي بتوفير عشرات الآلاف من فرص العمل 00 فحدث العكس واتسرح الشغالين 00 فتفتق ذهنها - وياريته ماتفتق – عن فكرة جهنمية تجنن الحليم 00 00 نصدر خدامات لدول الخليج بدل الفلبينيات 00 من الخريجات الجامعيات 00 بعد اعادة تأهيلهن 00 وطالما السياسة بقت ممارسة للتخلف العقلي فإني اقترح على معالي الوزيرة أن تعيد تأهيل الشباب الجامعي ليعملوا بوابين بدول الخليج 00 وبكرة ربنا يتمم بخير ويتجوز البوابين الشغالات ويبقى زيتنا في دقيقنا 00 وبكدة نكون حلينا مشاكل الخريجين والخريجات 00 وظايف وجواز00 وبكرة يخلفوا صبيان وبنات000 طباخين وسواقين وكوافيرات 00 بس كدة ياحنفي البلد مش حايبقى فيها ولاشاب ولا شابة (00 سهل 00 سهل 00 اهم حاجة ان آخر واحد يخرج من بر مصر يبقى يطفي النور 000 تستاهل ياشعب عشان ساكت عالكدابين والغشاشين المزورين

قبل يوليو 52كان الشارع المصري يغلي 000 حالة من الاحتقان والغضب تتراكم عبر عشرات السنين 000 يؤججها تصرفات الانجليز والملك والاحزاب الفاسدة والاقطاع الظالم 00ويصل بها الى الذروة تلك الخيانة الفاضحة التى سلمت فلسطين لقمة سائغة لليهود 00 وعاقبت المجاهدين الذن شرفوا مصر بجهادهم العظيم على ارض فلسطين بالغاء جماعتهم – جماعة الاخوان 00 واعتقال الجميع في سابقة لم تحدث من قبل وتعلن للجميع انه لا خير يرجى من الملك ولا الاحزاب الفاسدة ولا النظام المرتمي في احضان الانجليز 00كان الشارع مهيئا للثورة 00 وجاهزا لاستقبال الضباط الأحرار والالتفاف حولهم والتضحية معهم لاستعادة العزة والكرامة 00 ولاصلاح ماأفسد الاستعمار والملك والأحزاب والإقطاع 00 لحظة تاريخية نادرة لاحداث التغيير والاصلاح الجذري الشامل 00 وليس مجرد تغيير لافتة النظام 00فماذا حدث ؟ تحرك الاحرار وطردوا الملك وأوضحوا برنامجهم وأهدافهم 00 حياة ديموقراطية سليمة 00 قضاء على الملكية والاحزاب الفاسدة والاقطاع والاستعمار وأعوانه 000 القضاء على الفقر والجهل والمرض 000 مجانية التعليم إقامة مجتمع الكفاية والعدل 00 حرية واشتراكية ووحدة 00 تحرير فلسطين

الحزب الوطني مش شور الاخوان بس ०० ده شور كل شعب مصر00 الشعب النكدي اللي مش طامر فيه ०० الشعب اللي بيستجري وعايز يقرب من الصناديق بتاعة ابوهم ०० بس رجالة الحزب لعيبة ०० والاساليب بتاعة زمان ماعادتش نافعة ०० خلاص مافيش داعي للحياء ०० واللي عايز التزوير مايخافش من التصوير ०० واللي مش عاجبه يطلع لي برة ०० قال انتخابات ياشعب رمة ०० مش تحمدوا ربنا اننا بنحكمكم ०० ده الانجليز وقبلهم الفرنسيس زهقوا من خلقتكم ०० مباراة كرة قدم انتهت بفوز فريق الفكر الجديد بالضربة القاضية ०० هو مسموح في ماتش الكورة بالملاكمة والمصارعة ؟00 والدوري مافيهوش غير فريقين بس ؟ ०० وليه كل العساكر دي في ارض الملعب ؟ ०० وفريق الاخوان تلاتة مش حداشر فين الباقي ؟ معتقلين ؟ والحكم بيضرب هو وحاملي الراية واللجنة العليا لمراقبة المباراة ؟ حتى مذيع القناة الاولى بيضرب ؟ ०० والجماهير ملايين ساكتين ०० كاتمين الضحك ०० قاعدين ليه ماتقوموا تروحوا ) ०० عندك حق ०० تشكر ياكابتن ००

كتر الضغط يولد الانفجار 000 ولكل فعل رد فعل 000 دي قوانين درسناها في الفيزياء لكن تمشي مع سلوك البشر 000 المرحوم بيرم بيقول 00 (من حبنا حبيناه وصار متاعنا متاعه 000 ومن كرهنا كرهناه يحرم علينا اجتماعه ) والأكيد إننا منكدين عاللي بيحكمونا 00 مش عشان هريينهم مظاهرات 00 لكن عشان بنكرههم من كل قلوبنا 00 ومابقاش حيلتهم حاجة يضحكوا بيها علينا 00 مش بس متنكدين 00 دول خايفين 00 مرعوبين 00 مابيناموش 00 مرعوبين من الطلاب 00 مسلطين عليهم أمن الجامعة 00 وأمن الدولة 00 وعمداء كليات بلطجية 00 ورؤساء جامعات يتحركوا بريموت الداخلية 00 خايفين من العمال اللي باعوهم لما باعوا مصانعهم 000 خايفين من النقابات اللي فاضحاهم 00 وبتتدخل في السياسة 000 خايفين من القضاة 000 خايفين من المنافسة في الانتخابات لأنهم عارفين إن الشعب اللي بيكرههم حايقولهم لأ 000 عشان كدة بنشوف انتخابات ماسمعناش عن حاجة تشبهها ولو في مجاهل أفريقيا 00 انتخابات كل أمل المعارض إنه ينجح في تقديم أوراق ترشيحه 00 وبعدها كل أمله إن الشعب يوصل للصندوق 00 وبعدها كل أمله إن النتيجة تطلع مطابقة للي في الصندوق 00 تزوير عيني عينك 00 ومابقاش يستحي من

هي دي مصر؟؟؟؟؟!!!!!!! هذا الكم من الفساد 00 وهذه الحركة الدءوبة لتخريب مصر000والتي نجحت في بيع مصر00 كل شئ للبيع 00 حتى الأمن القومي ؟!! كان زمان بيلهوا الشعب بحاجة 00 مشروع قومي مثلا 00 الوحدة العربية 00 السد العالي 00 إزالة آثار العدوان 00 لاشئ يعلو فوق صوت المعركة 00 الانفتاح 00 دلوقت مافيش أي حاجة 00 الشعب مايستاهلش00 مش كفاية انهم قبلوا يحكمونا 00 احنا مش مؤهلين للديموقراطية 00 لسة مابلغناش رشدنا 00 الاسلاميين حايضحكوا علينا ويضللونا ويخلونا ننتخبهم 00 زي حماس 00 وحزب العدالة في تركيا 00 لكن على مين 00 داحنا اللي بدعنا الفرعنة 00 الشعب لازم يتأدب 00 بيقولوا الشعب سلبي وبيقاطع الانتخابات 00 ولما يتشجع ويروح عشان يدلى بصوته يضربوه بالجزم 00 لأنه أكيد جاي ينتخب الأعداء 00 بيتفننوا في التنغيص على الشعب 00 كل كام يوم مصيبة 00 ومابيستحوش 00 والله كارثة واحدة من كوارثهم تقلب أجدع دولة 00 لكن مابيهمهمش 00 مافيش حد بيحاسب 00 مجلس الشعب متنقي عالفرازة 00وخيال المآته أقصد مجلس الشورى شرحه وزيادة 00 والصحف القومية مستعدة تشرشح للصبح لو حد استجرى ووجه نقد للمعصوم 00 فيه دولة تستعين بالبلطجية؟؟