قوانين فيزيائية

كتر الضغط يولد الانفجار 000 ولكل فعل رد فعل 000 دي قوانين درسناها في الفيزياء لكن تمشي مع سلوك البشر 000
المرحوم بيرم بيقول 00 (من حبنا حبيناه وصار متاعنا متاعه 000 ومن كرهنا كرهناه يحرم علينا اجتماعه )
والأكيد إننا منكدين عاللي بيحكمونا 00 مش عشان هريينهم مظاهرات 00 لكن عشان بنكرههم من كل قلوبنا 00 ومابقاش حيلتهم حاجة يضحكوا بيها علينا 00 مش بس متنكدين 00 دول خايفين 00 مرعوبين 00 مابيناموش 00
مرعوبين من الطلاب 00 مسلطين عليهم أمن الجامعة 00 وأمن الدولة 00 وعمداء كليات بلطجية 00 ورؤساء جامعات يتحركوا بريموت الداخلية 00
خايفين من العمال اللي باعوهم لما باعوا مصانعهم 000
خايفين من النقابات اللي فاضحاهم 00 وبتتدخل في السياسة 000
خايفين من القضاة 000
خايفين من المنافسة في الانتخابات لأنهم عارفين إن الشعب اللي بيكرههم حايقولهم لأ 000
عشان كدة بنشوف انتخابات ماسمعناش عن حاجة تشبهها ولو في مجاهل أفريقيا 00
انتخابات كل أمل المعارض إنه ينجح في تقديم أوراق ترشيحه 00
وبعدها كل أمله إن الشعب يوصل للصندوق 00
وبعدها كل أمله إن النتيجة تطلع مطابقة للي في الصندوق 00
تزوير عيني عينك 00 ومابقاش يستحي منه حتى اللي كنا بنحسبهم مفكرين ومحترمين زي الفقي 00
واصبح شعارهم أكدب لغاية ماتصدق نفسك 00 مافيش حياء ولا مروة 00
كل فضايحهم مرصودة بالصوت والصورة 00 ويكابرو 00
حتى أ حكا م محكمة النقض اللي فضحت تزويرهم عندهم سيد قراره اللي ماعندوش حياء 00
مافيش في العالم سيد قراره 00ماخطرش على بال أي فرعون 00
ترزية قوانين ولوايح على مقاس الناس الأكابر 00
وإسكافية دساتير 00
لكن الشعب واعي 00 ومتربص 00 وبيدعي عليهم 00
بيقولوا عليه مش ناضج ومايستاهلش الديموقراطية 00 ده كلام نظيف00 أقصد مش نظيف صرح به هامان بتاعنا اللي اسمه نظيف 00
الشعب أنضج منهم 00
وأنظف منهم 000
والصبر جميل 000
حاتشوفوا الويل من هذا الشعب 00
الشعب المصري غير أي شعب 000
حركتة مش بتدمر زي البركان 000
الشعب المصري حركته زي المية اللي بيغرق فيها كل الطغيان 00
حقائق إعترف بيها نظام مبارك :
1- الحقيقة الأولى إن مصر مافيهاش ديموقراطية 00 وإن مبارك مش حايسمح بالديموقراطية لأنها خطر على الأمن القومي 000
والدليل على كدة تصريحاتهم المتواترة ان الشعب غير ناضج ديموقراطيا 00 وإن الشعب لو سمحناله بالديموقراطية زي أمريكا حايختاروا الإخوان زي ماختاروا حماس 00
2- والحقيقة التاني إن الانتخابات اللي جرت في عهد مبارك كلها مزورة بدليل إنهم يأكدوا قبل كل انتخابات إنها حاتكون أنزه انتخابات
ودي كلمة مايقولهاش إلا المزورون 00
نكتة : شعار انتخابي مناسب للحزب الوطني (( سكوت 000 حانزور ))

تعليقات

إرسال تعليق

المشاركات الشائعة من هذه المدونة

دعاء أصحاب الكهف الجامع لخيري الدنيا والآخرة "رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا " ...

حين أحيط بهم ، وطلبهم الملك ليرجمهم أو يعيدهم لدينه الباطل ،  فرّوا بدينهم ، وبذلوا السبب في ذلك اشتغلوا بأهم الأسباب : التضرّع إلى اللَّه واللجوء إليه بالدعاء، فقالوا:  ﴿ رَبَّنَا آتِنَا مِنْ لَدُنْكَ رَحْمَةً ﴾ : سألوا اللَّه تبارك وتعالى   ((أنْ يمنَّ عليهم برحمة عظيمة، كما أفاد التنوين في ﴿ رَحْمَةً ﴾ تناسب عنايته باتّباع الدين الذي أمر به، وهو ما يشير إليه قوله تعالى:﴿ مِنْ لَدُنْكَ ﴾، فإن ﴿ مِنْ ﴾، تفيد معنى الابتداء، و﴿ لَدُنْكَ ﴾: تفيد معنى العندية، فذلك أبلغ ما لو قالوا: آتنا رحمة؛ لأن الخلق كلهم بمحل الرحمة) ) ( [8] ) ، فسألوا رحمة خاصة من ربهم جلَّ وعلا تقتضي كمال العناية بهم، وتفيض عليهم من كمال الإحسان والإنعام. وقوله:  ﴿ وَهَيِّئْ لَنَا مِنْ أَمْرِنَا رَشَدًا ﴾  أي يسِّر لنا و سهِّل علينا الوصول إلى طريق الهداية و الرشاد في الأقوال و الأفعال في أمر ديننا و دنيانا. ((حيث جمعوا بين السعي والفرار من الفتنة إلى محل يمكن الاستخفاء فيه، وبين تضرّعهم وسؤالهم اللَّه عز وجل تيسير أمورهم، وعدم اتكالهم على أنفسهم، وعلى الخلق) ) ( [9] ) ، فجعل اللَّه لهم مخرجاً، ورزقهم من حيث لا
قراءة المزيد

سندوتش مكرونة مع ابراهيم عيسى

هذا الرجل لايعرف مصر الميزه الأساسيه لجمال مبارك أنه لايتميز بأي شئ ٠٠ ومن ثم رأيي فيه سلبي٠٠٠ لقد شارك جمال مبارك في ١٣ مؤتمراً إنتخابياً للحزب الوطني تقريباً في إنتخابات مجلس الشعب الماضيه فسقط المرشحون الثلاثة عشر الذين دعا اليهم وساندهم بحضوره ٠ حتى إن هناك من نصحه أو ربما أمره بألا يكرر ظهوره في أي مؤتمرات في المراحل التاليه للإنتخابات منعاً لحرج الهزيمه ٠٠ لاتوجد عند جمال مبارك هذه الحاله (أو الهاله) الزعاميه ، فهو مثل والده تماماً يحمل على كتفه روح الموظف التقليدي الذي يخلو من الموهبه السياسيه ٠ وحين يلعب رياضه يختار رياضه يلعب فيها الكره في الحائط فضلاً عن أن جمال لم ولن يكون في يوم خطيباً ولا زعيماً ولامفكراً ولامثقفاً وليس أكثر من موظف بنك حاد القسمات ٠٠ جمال مبارك مولود وفي يده ملعقه من ذهب ٠وفي يده كرباج من فضه ٠وفي قدميه باتيناج السلطه ٠ يأمر فيستمع الجميع ويوافقونه وينافقونه شأن إبن الناظر في أي مدرسه حكوميه ٠٠ لايعرف جمال مبارك من مصر سوى مراتع الأغنياء وضواحي الأثرياء وقصور الشركاء وفيلات الأنسباء ٠ ولا يعرف عربيات الفول والطعميه في مصر القديمه ساعة الصبحيه والموظفين ب
قراءة المزيد