ديموقراطية توت عنخ مبروك


ديموقراطية توت عنخ مبروك
قرر فرعون فجأة أن يكون ديموقراطيا 00 ماأريكم إلا ماأرى وما أهديكم الا سبيل الرشادبقت موضة قديمة 00 -والدنيا اطورت 00 وبقى فيه انتخابات 00 ومجالس نيابية تراقب الحكومة 00 وصحافة واعلام وفضائيات ...لكن الحرس القديم تردد لأنه كدة حايلعب بالبيضة والحجرة وممكن تيجي على دماغه وتقلب بجد 00 والناس - مفتحة عينيها وممكن تصدق 00 وتسرقهم السكينة 00– ففكر شباب السياسات 00 ووصل إلى فكرة جهنمية فرعونية 00 الصحافة مافيش مانع 00 يقولوا اللي يقولوه 00 واحنا نعمل اللي احنا عايزينه 00 واللي يزودها نسلط عليه فرعون صغير من اللي احنا مربينهم في الصحافة الفرعونية القومية يبهدل اللي جايبينة 00 وإذا ماتلمش نخطفه ونلسوعه ونقلعه ونرميه في الصحراء عشان يكون عبرة لأمثاله 00أو نلفقله قضية 00أوفضيحة 00 المهم الناس بتقرأ وتنسى 00 ده إذا قرأوا 00 لكن لسة فيه مشكلتين 00 المظاهرات والإنتخابات المظاهرات نجفف منابعها ونسد كل الطرق اللي توصل لمكانها 00 واللي يوصل عندنا أمن مركزي فرعوني00 بالشومة والغازات وخراطيم المية 00 ولا بأس بالاستعانة بالبلطجية يبهدلوا الأفندية ويشلحوا البنات اللي عايزين إصلاح وتغيير00 نيجي للمشكلة التالتة الانتخابات 00 مش حانخلي حد يوصل للصندوق 00 رجالتنا حايبهدلوا اللي يحاول يوصل 00 أمن الدولة 00والأمن المركزي 00 والبلطجية 00 وحتى لو حصل وعدوا الكردون حانغير الصناديق00 أو حتى نعلن نتيجة تانية غير الثابت في الأوراق 00 ده مش تزوير 00 ده حقنا 00 عشان خاطر الأمن الفرعوني -أقصد القومي- إحنا اللي حانشرف عالانتخابات00 مش بتاعتنا؟؟! 00 الداخلية وبس 00 وخلي بقى القضاة يخلصوهم 00 حد يستجري يشكك الداخلية ؟! ولجنة عليا عالفرازة 00 وبرضة مش حانخلي حد يعرف طريقها ... بس بلاش الخمس تسعات عشان بتجيبلهم حساسية 00 وممكن نعمل فيلم ويرشح واحد منهم نفسه ضد فرعون 00 واللي يصدق الفيلم ويقلبها جد نقلب عاليه واطيه...
بس انا لسة خايف ... والناس بقى معاها موبايلات وبتصور ... مافيش حاجة غير التزوير ؟!
قال الفرعون الصغير ولي العهد : الشعب ده نكدي ومالوش أمان ... الانتخابات تكون نزيهة ... مافيش تزوير ولا لعب في الصناديق ... أصلا مافيش حد حانسمحله يرشح نفسه ضدنا ...
ولعبت معاك يافرعون ولسة قاعد على قلوبنا 00 ومازال لك ملك مصر 00 وهذا النيل يجري من تحتك 00 لكن مابيوصلش للشعب اللي عطشته بعد ماجوعته 00 ماسبقكش أي فرعون بهذه المصيبة 00 تعطيش الشعب 00 نشفتها علينا عشان ايد المزور نجسة مافيهاش بركة 00 أهي أيام 00 وتشوف مصير الفراعنة اللي قبلك 00 وسيبقى الشعب 00

تعليقات

‏قال د. محمد داود…
الانتخابات بقت في عهد مبارك أشبه بمباراة كرة قدم ... فريق الحزن الوطني مش 11 لعيب 00 ده الأمن والنظام والحكم وحاملي الراية والمراقبين كلهم بيلعبوا مع الفريق 000 أما فريق المعارضة 5 لعيبة بس والباقي معتقلين وحارس المرمى مكتف 00 ورغم كل ده فريق الوطنى مسموحله يعمل فاولات زي ماهو عاوز 000 مسموحله يستخدم أي سلاح لمنع المعارضة من تسجيل أي هدف ... وحتى لو سجلوا هدف يلغيه الحكم أو يحسبه لصالح الوطني - ماهو سيد قراره ... والمدرجات مليانة بالمتفرجين اللي بيغلوا من كم الظلم اللي شايفينه ورغم ذلك صامتين خايفين ... هارد لك ياكابتن جيمي .
26 فبراير 2008 في 7:44 م
إرسال تعليق

المشاركات الشائعة من هذه المدونة

دعاء أصحاب الكهف الجامع لخيري الدنيا والآخرة "رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا " ...

حين أحيط بهم ، وطلبهم الملك ليرجمهم أو يعيدهم لدينه الباطل ،  فرّوا بدينهم ، وبذلوا السبب في ذلك اشتغلوا بأهم الأسباب : التضرّع إلى اللَّه واللجوء إليه بالدعاء، فقالوا:  ﴿ رَبَّنَا آتِنَا مِنْ لَدُنْكَ رَحْمَةً ﴾ : سألوا اللَّه تبارك وتعالى   ((أنْ يمنَّ عليهم برحمة عظيمة، كما أفاد التنوين في ﴿ رَحْمَةً ﴾ تناسب عنايته باتّباع الدين الذي أمر به، وهو ما يشير إليه قوله تعالى:﴿ مِنْ لَدُنْكَ ﴾، فإن ﴿ مِنْ ﴾، تفيد معنى الابتداء، و﴿ لَدُنْكَ ﴾: تفيد معنى العندية، فذلك أبلغ ما لو قالوا: آتنا رحمة؛ لأن الخلق كلهم بمحل الرحمة) ) ( [8] ) ، فسألوا رحمة خاصة من ربهم جلَّ وعلا تقتضي كمال العناية بهم، وتفيض عليهم من كمال الإحسان والإنعام. وقوله:  ﴿ وَهَيِّئْ لَنَا مِنْ أَمْرِنَا رَشَدًا ﴾  أي يسِّر لنا و سهِّل علينا الوصول إلى طريق الهداية و الرشاد في الأقوال و الأفعال في أمر ديننا و دنيانا. ((حيث جمعوا بين السعي والفرار من الفتنة إلى محل يمكن الاستخفاء فيه، وبين تضرّعهم وسؤالهم اللَّه عز وجل تيسير أمورهم، وعدم اتكالهم على أنفسهم، وعلى الخلق) ) ( [9] ) ، فجعل اللَّه لهم مخرجاً، ورزقهم من حيث لا
قراءة المزيد

سندوتش مكرونة مع ابراهيم عيسى

هذا الرجل لايعرف مصر الميزه الأساسيه لجمال مبارك أنه لايتميز بأي شئ ٠٠ ومن ثم رأيي فيه سلبي٠٠٠ لقد شارك جمال مبارك في ١٣ مؤتمراً إنتخابياً للحزب الوطني تقريباً في إنتخابات مجلس الشعب الماضيه فسقط المرشحون الثلاثة عشر الذين دعا اليهم وساندهم بحضوره ٠ حتى إن هناك من نصحه أو ربما أمره بألا يكرر ظهوره في أي مؤتمرات في المراحل التاليه للإنتخابات منعاً لحرج الهزيمه ٠٠ لاتوجد عند جمال مبارك هذه الحاله (أو الهاله) الزعاميه ، فهو مثل والده تماماً يحمل على كتفه روح الموظف التقليدي الذي يخلو من الموهبه السياسيه ٠ وحين يلعب رياضه يختار رياضه يلعب فيها الكره في الحائط فضلاً عن أن جمال لم ولن يكون في يوم خطيباً ولا زعيماً ولامفكراً ولامثقفاً وليس أكثر من موظف بنك حاد القسمات ٠٠ جمال مبارك مولود وفي يده ملعقه من ذهب ٠وفي يده كرباج من فضه ٠وفي قدميه باتيناج السلطه ٠ يأمر فيستمع الجميع ويوافقونه وينافقونه شأن إبن الناظر في أي مدرسه حكوميه ٠٠ لايعرف جمال مبارك من مصر سوى مراتع الأغنياء وضواحي الأثرياء وقصور الشركاء وفيلات الأنسباء ٠ ولا يعرف عربيات الفول والطعميه في مصر القديمه ساعة الصبحيه والموظفين ب
قراءة المزيد