جيمي المرعوب ...

- بابا يابابا ...

أنا خايف من ثورة تونس ...

شرارتها حاتولع بلدي ...

وانا خايف مالشعب النكدي ...

شعب عنيد وعايز إصلاح ...

واحنا سرقنا كراسي الشعب ...

ودخلنا من حارة تونس ...

يابا حارة تونس دي حارة سد ...

- انا قلتلكوياجيمي تحاسبوا ...

نص المجلس كان يكفيكوا ...

مش تلهطوا كل البطيخة ...

نيلتوا كل السياسات ...

البلطجة دي مابتجبش نتيجة ...

فضايحنا بالصوت والصورة ...

وغضب الشعب ده حايولعنا ...

كنتوا تخلوا شوية لشعبي ...

يتسلوا وكمان تنفيس ...

الكبت ده مش من مصلحتي ...

الكبت ده حايجيب تفجير ...

مش مسجد ولا حتى كنيسة ...

ولا مجلس ولا حتى وزارة ...

البركان لما حايتفجر ...

راح يحرق كل الخلجات ...

- طيب حل يابابا المجلس ...

وارضي الشعب النكدي داهوه ...

قبل مايتفجر ويثور ...

- يابني الشعب داهوه نمرود ...

لوتكفيه خطوة أصلاح ...

كنت اعملها ...

بس الشعب مطالبه كتيرة ...

دي مطالبه لو حققناها ...

نتعلق بكرة على مشانق ...

واهي بدأت ف جارتنا .. ف تونس ...

واحنا حاييجي علينا الدور ...

- إطمن يابا دانا مجهز ...

طيارة لكل الأحباب ...

ونروح كلنا نعمل عمرة ...

ونتوب ماللي احنا عملناه ...

سامع صوت الشعب بيهدر ...

في نفس واحد كله يقول ...

قوم يامصري مصر دايما بتناديك ...

إحمي أرضك وانتصر عاللي يعاديك ...