القمح ... ياملوك القمع !!!

ليه عندنا أزمة قمح ؟!
عشان الفلاح مابيزرعش قمح ... بيخسر فيه ... البرسيم بيكسب أكتر ...
ياجماعة ده سلعة استراتيجية ... يعني ممكن أمريكا تجوعنا وقت مانحرن ....؟!
ليه ماندعمش الفلاح عشان يتشجع ويزرع ؟!
حانجيب فلوس منين ؟! أحنا بلد فقير - من الدول النامية - ( ياعم قول النايمة ) ... ده مضمون كلام يوسف والي لمحمد عبد القدوس من عشرين سنة !!!
المفاجأة ان مصر بتدعم الفلاح الأمريكي ... وبتمص دم الفلاح المصري !!!
أي والله ... صحيح أنا مش سياسي بس بافهم في الحساب ...
معناته ايه نشتري القمح من الفلاح الأمريكي ب 400 دولار للطن ... ونشتريه من العبيد – أقصد الفلاحين المصريين بأقل من عشر هذا المبلغ ؟!!! معناته اننا بنستعبدهم ...
والمصيبة اننا السنة اللي فاتت قلنالهم مش عايزين قمحكم ... وباظ عليهم القمح وأكله السوس ...
لو أعلن وزير التموين – طبعا بعد اذن الباب العالي – لو أعلن انه حاياخد القمح من الفلاح ب 400 دولار الطن ... والدفع كاش – كل الناس حاتزرع قمح ...
ولو خلطنا القمح بالذرة والشعير يبقى ضربنا ميت عصفور بحجر ... مش حايتهرب القمح للحلوانية لأنه ماينفعش جاتوه ولا كنافة ولا حتى فينو ... ونبقى زودنا البدائل عشان مانكونش تحت رحمة سلعة واحدة تجوعنا بيها أمريكا ... بعد سنوات قليلة مش حايكون عندهم قمح يصدروهولنا لأنهم حايستخدموه في انتاج الطاقة البديلة عن البترول وكل سنة وانتو طيبين ...
مش حاتكلم عن التكامل العربي بزراعة أرض السودان ...
معقول ماحدش حواليك يامبارك بيفهم ... ولا قاصدين تجوعووووونا ... حراااااام ... طب حبة قمح وحبة قمع ... والا خلاص بقيتوا خط واحد بس ... والدماغ مابقاش فيها مخ يفكر ... ماباقاش فيها غير بيادة ونبوت .

تعليقات

‏قال Unknown…
حكومة مملكة مصر السنية
برئاسةذى الطلعةالبهية
نظيف العقل من المهلبية
وكبيرهم هو شيخ البلطجية
كل مايهمهم يملواخزاينهم
من عرق شعوبنا المصرية
ويستف لهم الأمرجورنالجية
ويقبضواثمن الكلام عسلية
وبالدولارأوباليورواللى
حل مكان اخوه استرلينية
تقوللى القمح فى سودانية
دول يامنصور شلة حرامية
معاهم كلاب وشوية بلطجية
والآخرةسودةوجهنم مستنية
كل اللى حكم أرض مصرية
______________________
أبو وجيه صاحب الفنكوشية
بيسلم على السياسى اللى
كلماته أعلى من السياسية
وسلامناتسبقه ليك ألف تحية
21 مارس 2008 في 8:20 ص
إرسال تعليق

المشاركات الشائعة من هذه المدونة

دعاء أصحاب الكهف الجامع لخيري الدنيا والآخرة "رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا " ...

حين أحيط بهم ، وطلبهم الملك ليرجمهم أو يعيدهم لدينه الباطل ،  فرّوا بدينهم ، وبذلوا السبب في ذلك اشتغلوا بأهم الأسباب : التضرّع إلى اللَّه واللجوء إليه بالدعاء، فقالوا:  ﴿ رَبَّنَا آتِنَا مِنْ لَدُنْكَ رَحْمَةً ﴾ : سألوا اللَّه تبارك وتعالى   ((أنْ يمنَّ عليهم برحمة عظيمة، كما أفاد التنوين في ﴿ رَحْمَةً ﴾ تناسب عنايته باتّباع الدين الذي أمر به، وهو ما يشير إليه قوله تعالى:﴿ مِنْ لَدُنْكَ ﴾، فإن ﴿ مِنْ ﴾، تفيد معنى الابتداء، و﴿ لَدُنْكَ ﴾: تفيد معنى العندية، فذلك أبلغ ما لو قالوا: آتنا رحمة؛ لأن الخلق كلهم بمحل الرحمة) ) ( [8] ) ، فسألوا رحمة خاصة من ربهم جلَّ وعلا تقتضي كمال العناية بهم، وتفيض عليهم من كمال الإحسان والإنعام. وقوله:  ﴿ وَهَيِّئْ لَنَا مِنْ أَمْرِنَا رَشَدًا ﴾  أي يسِّر لنا و سهِّل علينا الوصول إلى طريق الهداية و الرشاد في الأقوال و الأفعال في أمر ديننا و دنيانا. ((حيث جمعوا بين السعي والفرار من الفتنة إلى محل يمكن الاستخفاء فيه، وبين تضرّعهم وسؤالهم اللَّه عز وجل تيسير أمورهم، وعدم اتكالهم على أنفسهم، وعلى الخلق) ) ( [9] ) ، فجعل اللَّه لهم مخرجاً، ورزقهم من حيث لا
قراءة المزيد

سندوتش مكرونة مع ابراهيم عيسى

هذا الرجل لايعرف مصر الميزه الأساسيه لجمال مبارك أنه لايتميز بأي شئ ٠٠ ومن ثم رأيي فيه سلبي٠٠٠ لقد شارك جمال مبارك في ١٣ مؤتمراً إنتخابياً للحزب الوطني تقريباً في إنتخابات مجلس الشعب الماضيه فسقط المرشحون الثلاثة عشر الذين دعا اليهم وساندهم بحضوره ٠ حتى إن هناك من نصحه أو ربما أمره بألا يكرر ظهوره في أي مؤتمرات في المراحل التاليه للإنتخابات منعاً لحرج الهزيمه ٠٠ لاتوجد عند جمال مبارك هذه الحاله (أو الهاله) الزعاميه ، فهو مثل والده تماماً يحمل على كتفه روح الموظف التقليدي الذي يخلو من الموهبه السياسيه ٠ وحين يلعب رياضه يختار رياضه يلعب فيها الكره في الحائط فضلاً عن أن جمال لم ولن يكون في يوم خطيباً ولا زعيماً ولامفكراً ولامثقفاً وليس أكثر من موظف بنك حاد القسمات ٠٠ جمال مبارك مولود وفي يده ملعقه من ذهب ٠وفي يده كرباج من فضه ٠وفي قدميه باتيناج السلطه ٠ يأمر فيستمع الجميع ويوافقونه وينافقونه شأن إبن الناظر في أي مدرسه حكوميه ٠٠ لايعرف جمال مبارك من مصر سوى مراتع الأغنياء وضواحي الأثرياء وقصور الشركاء وفيلات الأنسباء ٠ ولا يعرف عربيات الفول والطعميه في مصر القديمه ساعة الصبحيه والموظفين ب
قراءة المزيد